Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Дәүләт органнарына гражданнардан артык белешмәләр таләп итү тыела

2011 елның 26 сентябре, дүшәмбе

2011 елның 1 октябреннән алып, барлык федераль дәүләт органнары электрон рәвештә ведомствоара үзара эш итүнең яңа тәртибенә күчәргә тиеш, дип хәбәр итте бүген РФ Хөкүмәте Председателе Владимир Путин халыкка дәүләт хезмәте күрсәтүгә багышланган киңәшмәдә. Шулай ук 2012 елның 1 июленнән барлык төбәкләр, муниципалитетлар электрон рәвештә үзара хезмәттәшлек итүгә күчәргә тиеш.

Владимир Путин әйтүенчә, сүз гражданнарның теге яки бу учреждениегә берәр белешмә яки документ сорап килгәндә, яңа мәгълүмат алыр өчен аларны кабат башка учреждениеләргә җибәрмәү турында бара. Бу учреждение кирәк белешмәне үзе табып, кирәкле документны кешегә биреп җибәрергә тиеш.

Мәгълүмат башка органнарда булган очракта, гражданнардан яңадан-яңа белешмәләр таләп итү дәүләт органнарына тыелачак, дип аерым басым ясап әйтте.

Бездә дәүләт органнарына һәм муниципалитетларга елына уртача 81 миллион тапкыр белешмә яки документ сорап мөрәҗәгать итү очрагы теркәлә, шуннан соң кешеләр төрле учреждениеләргә 561 мең тапкыр мөрәҗәгать итәләр, ягъни кирәк кәгазь эзләп, алар төрле контораларга 6-7 тапкыр баралар, диде Хөкүмәт башлыгы.

Мондый хәл булмаска тиеш, диде Владимир Путин, хәзерге моментта сүз федераль дәүләт органнары турында барганын искәртеп.

Интерфакс

БАРЛЫК ЯҢАЛЫКЛАРНЫ УКУ