Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

15-16 сентябрьдә “Электрон мәктәп - 2011” конференциясе булачак

2011 елның 13 сентябре, сишәмбе

15 сентябрьдә Казанның “Ривьера” кунакханә-күңел ачу комплексында “Электрон мәктәп-2011” I Халыкара конференциясенең пленар утырышы булачак. Анда Татарстан Президенты Рөстәм Миңнеханов, РФ Дәүләт Думасы беренче вице-спикеры Олег Морозов, ТР Премьер-министры урынбасары – ТР мәгълүматлаштыру һәм элемтә министры Николай Никифоров, ТР мәгариф һәм фән министры Альберт Гыйльметдинов катнашыр дип көтелә.

Конференция ТР Мәгълүматлаштыру һәм элемтә министрлыгы булышлыгында ТР Мәгариф һәм фән министрлыгы белән “Интел” корпорациясе тарафыннан оештырыла.
Конференциядә Россиянең 35 төбәгеннән мәгариф һәм мәгълүматлаштыру идарәсе органнары вәкилләре, БДБ һәм чит илләр IT-компанияләре, шул исәптән, Әзербайҗан, Аргентина,Белоруссия,Һиндстан, Казахстан,Мексика,Португалия,Сингапур, АКШ компанияләре вәкилләре.

Чарада төрле электрон мәгариф ресурслары модельләре, шулай ук мәгариф өлкәсендә яңа технологияләр кулланып эшләүче педагоглар әзерләү һәм мәгариф өлкәсендә мәгълүмати технологияләр кертү инфраструктурасын үстерү мәсьәләләре каралачак.

Программада шулай ук ИТ-парк Технопаркы эше белән танышу каралган.

Пленар утырыш 12:00 сәгатьтә башлана. Адресы: Әмирхан урамы, 1 –нче йорт. Тулы программа - конференция сайтында.

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ